A MULLER SAMARITANA

O seguinte relato do evanxeo de Xoán contrapón a auga que se saca dun pozo á auga viva que regala Xesús. Esta auga é a súa salvación e, grazas a ela, a vida ten sentido, que é participar para sempre da vida de Deus.

LEVANTADO EN ALTO

EVANXEO DO DOMINGO
EXALTACIÓN DA SANTA CRUZ (Jn 3, 13-17)

Naquel tempo dixo Xesús a Nicodemo:

- E ninguén subiu ó ceo, fóra do que baixou do ceo, o Fillo do Home.

Como Moisés alzou a serpe no deserto, así debe ser alzado o Fillo do Home, para que todo o que cre nel, teña vida eterna. Pois de tal xeito amou Deus o mundo, que lle deu o seu Fillo unixénito, para que todo o que cre nel non se perda, senón que teña vida eterna.

Non mandou Deus o Fillo ó mundo para que xulgue o mundo, senón para que por el se salve o mundo.

Debuxos de Fano (Diócese de Málaga)

COMO SEGUIR A XESÚS

Evanxeo XXII T.O. 
Ciclo A; Mt 16, 21 27

Como seguir a Xesús

Desde aquela empezou Xesús a aclararlles ós seus discípulos que tiña que ir a Xerusalén, e que alí o ían facer sufrir moito os anciáns, os sumos sacerdotes e os letrados; que o ían executar e que ó terceiro día había resucitar.

Pedro, colléndoo á parte, empezou a rifar con el, dicindo:

- Deus te libre, Señor; a ti non che pasará nada diso de maneira ningunha.

Pero el, volvéndose, díxolle a Pedro:

- Arreda de min, Satanás! Ti es un tentador para min, porque non te deixas guiar por Deus senón polos homes.

Entón díxolles Xesús ós seus discípulos: 

- Se alguén quere vir comigo, que renuncie a si mesmo, que cargue coa súa cruz e que me siga. Porque quen queira poñer a salvo a súa vida, perderaa; pero quen a perda pola miña causa, poñeraa a salvo. Pois, de que lle serve ó home gaña-lo mundo enteiro se perde a súa vida? E que pode dar un home para recobra-la súa vida? Porque o Fillo do home ha vir coa gloria de seu Pai entre os anxos; entón pagará a cadaquén conforme a súa conducta.

SEGUIR A XESÚS

Entón díxolles Xesús ós seus discípulos:

¬Se alguén quere vir comigo, que renuncie a si mesmo, que cargue coa súa cruz e que me siga.

(Mt 16,24).

Debuxos para ilustra-lo seguimento de Xesús:

SANTO AGOSTIÑO. DEBUXOS.

28 de Agosto: Santo Agostiño de Hipona.

Debuxo de Santo Agostiño para colorar:

Fonte: Dibujos para catequesis.

CONFESIÓN DE PEDRO, DEBUXOS

Debuxos para colorar da confesión de San Pedro:

CONFESIÓN DE PEDRO

Evanxeo XXI do tempo ordinario.
Ciclo A; Mt 16, 13-20

Confesión de Pedro

Cando chegou á comarca de Cesarea de Filipo preguntoulles ós seus discípulos:

- Quen di a xente que é o Fillo do home?

Eles responderon:

- Uns, que Xoán Bautista; outros, que Elías; outros, que Xeremías ou algún dos profetas.

Insistiu:

- E vos, quen decides que son?

Respondeu Simón Pedro:

- Ti e-lo Mesías, o Fillo de Deus vivo.

E Xesús contestoulle:

- Ditoso ti, Simón, fillo de Xonás; porque iso non cho revelou ninguén de carne e sangue, senón meu Pai que está no ceo. E eu asegúroche que ti es Pedro; e sobre esta pedra vou edifica-la miña Igrexa; e as portas do inferno non prevalecerán en contra dela. Dereiche as chaves do Reino dos Ceos: todo o que ates na terra, ficará atado nos ceos; e todo o que desates na terra, ficará desatado nos ceos.

E mandoulles ós discípulos que non dixesen nada de que el era o Mesías.

ENVIOU Ó FILLO

Domingo da Santísima Trinidade, ciclo A
Evanxeo segundo Xn 3, 16-18

Pois de tal xeito amou Deus o mundo, que lle deu o seu Fillo Unixénito, para que todo o que cre nel non se perda, senón que teña vida eterna.

Non mandou Deus o Fillo ó mundo para que xulgue o mundo, senon para que por el se salve o mundo. O que cre nel, non é xulgado; mais o que non cre, xa está xulgado, porque non creu no Fillo Unixénito de Deus.

Imaxes de Fano para ilustralo:

APARICIÓN ÓS DISCÍPULOS

Evanxeo
Domingo de Pentecoste, Xn 20, 19-23

Naquel día, o primeiro da semana, ó serán, estando pechadas as portas onde estaban os discípulos, por medo dos xudeus, chegou Xesús, e, poñéndose en medio, díxolles:

- Paz convosco.

Dito isto, mostroulle-las mans e mailo costado. Os discípulos alegráronse, vendo ó Señor. El díxolles outra vez:

- Paz convosco: como o Pai me mandou a min, tamén eu vos mando a vós.

E dito isto alentou sobre eles, e díxolles:

- Recibide o Espírito Santo: a quen lles perdoéde-los pecados, quedaranlle perdoados; a quen llelo reteñades, quedaránlle retidos.

ALEGRÁDEVOS COMIGO!

E cando a atopa, volve todo contento para a casa, con ela no lombo; e, chamando por amigos e veciños, dilles: "Alegrádevos comigo, que atopei a ovella que perdera". Pois asegúrovos unha cousa: no ceo haberá máis alegría por un pecador que se converta ca por noventa e nove xustos que non precisan conversión. (Lc 15, 5-7)

MISIÓN DOS DISCÍPULOS

Solemnidade da Ascensión do señor
Evanxeo Mt 28,16-20, ciclo A

MISIÓN DOS DISCÍPULOS

Os once discípulos fóronse para Galilea ó monte onde Xesús os citara. E véndoo, prostráronse ante el, anque algúns dubidaban. Xesús, achegándose, díxolles:

- Déuseme todo poder no ceo e mais na terra. Ide, pois, e facede discípulos meus a tódolos pobos, bautizándoos no nome do Pai e do Fillo e do Espírito Santo; ensinándolles a gardar canto vos mandei. Asegúrovos que eu estarei sempre convosco ate a fin do mundo.

Imaxes de Fano (Diócese de Málaga)

AS VIAXES DE SAN PAULO

San Paulo, despois da súa conversión, iniciou unha intensísima actividade misioneira dirixida sobre todo a predica-lo Evanxeo entre os que non pertencían ó pobo xudeu.

Para iso fixo tres longas viaxes apostólicas, entre os anos 46 e 60. San Paulo escribiu 14 cartas ou epístolas a diversas comunidades cristiás e a discípulos seus.

1. Na primeira viaxe Paulo evanxelizou a illa de Chipre e a parte oriental de Asia Menor (Feitos 13, 1-14).
2. Na segunda viaxe Paulo evanxelizou Macedonia e Grecia e visitou as igrexas xa establecidas (Feitos 15, 36 a 18, 22).
3. Na terceira viaxe, Paulo evanxelizou máis intensamente a parte occidental de Asia Menor, en especial a cidade de Éfeso, e volveu visitar diversas comunidades (Feit 18, 23 a 21, 16).

San Paulo fixo unha cuarta viaxe -chamada viaxe de catividade- camiño de Roma, onde morreu decapitado durante a persecución do emperador Nerón, cara ó ano 67.

ESPÍRITO DA VERDADE

"A quen me ama amarao meu Pai, e amareino eu e manifestareime a el" (Jn 14, 21b).

A PROMESA DO ESPÍRITO

Evanxeo 6º domingo de Pascua, ciclo A
Xn 14, 15-21

Se me amades, gardaréde-los meus mandamentos, e eu rogareille ó Pai, e daravos outro Paráclito para que decote estea convosco: o Espírito da Verdade. O mundo non o pode acoller, pois non o ve nin o coñece; mais vós coñecédelo, pois permanece onda vós e está en vós. Non vos deixarei orfos; logo volvo onda vós. Un pouquiño máis e o mundo xa non me verá; pero vós habédesme ver, que eu vivo e tamén vós habedes vivir. Naquel día coñeceredes que eu estou en meu Pai, e vós en min, e eu en vós. Quen ten os meus mandamenetos e os garda, ese ámame; e a quen me ama amarao meu Pai, e amareino eu e manifestareime a el.

CONVERSIÓN DE SAULO, COLORAR

Secuencia da conversión de Saulo para colorar:

A CONVERSIÓN DE SAN PAULO

Saulo era natural de Tarso de Cilicia e residía en Xerusalén como estudante da Lei, baixo as ensinanzas de Gamaliel.
Saulo estivo presente no martirio de Estevo, era quen gardaba os mantos mentres seus compañeiros o apedraban e aprobaba a súa morte. 

Entusiasta defensor das tradicións xudías, entregouse con ardor a persegui-los seguidores de Xesús.

Con cartas de recomendación do Sumo sacerdote, dirixiuse a Damasco co fin de apresar alí a cantos discípulos atopara e levalos atados a Xerusalén. De camiño, cerca xa de Damasco, aconteceu que de súpeto, unha luz do ceo o envolveu co seu fulgor. Caeu no chan e sentiu unha voz que lle decía:

- Xaúl, Xaúl, por que me persegues?

- Quen es ti, Señor?

- Eu son Xesús, a quen ti persegues. Pero érguete, entra na cidade, e xa se che dirá o que tes que facer.

Os seus compañeiros de viaxe quedaron parados; sentían a voz mais non vían a ninguén. Saulo ergueuse do chan, pero maila te-los ollos abertos non vía nada. Levárono pola man ata Damasco. Alí botou tres días sen ver, sen comer e sen beber. Ata que Ananías foi visitalo e lle impuso as mans. Saulo recobrou a vista e foi bautizado.
Pasou algúns días cos discípulos de Damasco e comenzou a predicar a Xesús nas sinagogas. Os discípulos de Señor coñecíanno coma perseguedor e tardaron en fiarse del. Foi Bernabé o que o levou onda os apóstolos e contoulles que vira o Señor no camiño de Damasco.
(Feit 9, 1-30)

XESÚS É O CAMIÑO

Evanxeo 5º domingo de Pascua, ciclo A

Xn 14, 1-12

Non vos agoniedes: crede en Deus e mais crede en min. Na casa do meu Pai hai moitas moradas: doutro xeito, teríavos dito que vos ía arranxar un lugar? E cando vaia e vos arranxe un lugar, volverei e collereivos comigo, para que, onde estea eu, esteades vós tamén. E a onde vou eu, ben sabéde-lo camiño.

Dille Tomé:

- Señor, se non sabemos ónde vas, como imos sabe-lo camiño?

Xesús respondeulle:

- Eu son o camiño, a verdade e a vida: ninguén chega onda o Pai máis ca por min. Se me coñecedes, coñeceriades tamén a meu Pai; ainda que xa desde agora o coñecedes e o tedes visto.

Felipe díxolle:

- Señor, móstrano-lo Pai e abóndanos.

Xesús replicoulle:

- Pero Felipe, levo tanto tempo convosco e aínda non me coñeces? Quen me viu a min, viu o Pai. Como dis entón móstrano-lo Pai? Non cres que eu estou no Pai e o Pai en min? As palabras que eu vos digo non as falo pola miña conta; é o Pai, que permanece en min, quen fai as súas obras. Crédeme que eu estou no Pai e o Pai en min. Se non, polo menos crede por esas mesmas obras. Con toda verdade volo aseguro: quen cre en min, fará el tamén as obras que eu fago, e faraas meirandes aínda, pois estou para irme onda o Pai.

Debuxos de Fano para ilustralo:

Fonte imaxes: Diócese de Málaga.

ADVOCACIÓNS DE MARÍA

As advocacións son distintas maneiras de referirnos á Virxe María ou de nomeala. Estes nomes derivan da devoción do pobo, e fan referencia á nai de Xesús. De calquera maneira que a chamemos, trátase da mesma Virxe María.

A devoción a María calou no pobo cristián dende os primeiros séculos e é venerada mediante imaxes, altares e templos dedicados á súa memoria.

Hai diferentes tipos de advocacións:

• Advocacións que nos recordan algún momento da súa vida: Natividade, Anunciación, Visitación...
• Advocacións sobre a fe dos cristiáns en María: Nai de Deus, Inmaculada Concepción, Asunción...
• Advocacións que nos recordan as axudas que recibimos dela: Amparo, Auxiliadora, Perpetuo Socorro, Esperanza...
• Advocacións que se refiren ó nome do lugar onde se venera: Fátima, Lourdes, Montserrat, Covadonga, Carmen (do Monte Carmelo)...
• Advocacións que se refiren ó sitio onde apareceu: Pilar, Barca, Cova, Mar, Camiño...

XESÚS, BO PASTOR

Evanxeo 4º de pascua, ciclo A (Xn 10, 1-10)

XESÚS, BO PASTOR

Con toda verdade volo aseguro: o que non entra pola porta no curral das ovellas, senón que sobe por outra parte, é un ladrón e un bandido. En cambio, quen entra pola porta é o pastor das ovellas. E ese ábrelle o porteiro, e as ovellas escoitan a súa voz. Chama as súas polo nome e lévaas a fóra. Cando as dá sacado todas, vai diante delas e as ovellas ségueno, pois recoñecen a súa voz. Pero a un alleo non o seguirán, senón que fuxirán del, pois non coñecen a voz dos alleos.

Díxolles Xesús esta alegoría mais eles non coñeceron que era o que lles daba a entender. Entón díxolles de novo:

- Con toda verdade volo aseguro: eu son a porta das ovellas. Tódolos que viñeron antes ca min eran ladróns e bandidos; pero as ovellas non os escoitaron. Eu son a porta; se alguén entra por min, salvarase: entrará e sairá e atopará pasto. O ladrón non entra senón para roubar, matar e estragar. Eu vin para que teñan vida e para que a teñan de abondo.

Debuxo de Fano para ilustrar o evanxeo:

CAMIÑO DE EMAÚS

Evanxeo 3º domingo de Pascua, ciclo A
Lc 24, 13-35

CAMIÑO DE EMAÚS

Aquel mesmo día dous deles ían camiño de Emaús, unha aldea que está a uns dez quilómetros de Xerusalén. Ían falando de canto pasara. E resulta que mentres parolaban e discutían, Xesús en persoa, achegouse e camiñaba canda eles. Pero os seus ollos estaban incapacitados para o recoñeceren. Entón preguntoulles:

- De que ides falando polo camiño?

Eles pararon cun semblante moi tristeiro, e Cleofás, un deles, respondeulle:

- Seica es ti o único forasteiro en Xerusalén, que non sabe nada do que pasou alí durante estes días?

El preguntou:

- De que, logo?

Eles contestaron:

- Do asunto de Xesús o Nazareno, que foi un profeta poderoso en obras e palabras, ante Deus e ante o pobo todo; de cómo os nosos sumos sacerdotes e demais xefes o condenaron á morte e o crucificaron. Nós esperabamos que el fose quen liberase a Israel; pero xa van alá tres días desde que pasaron estas cousas. Claro que algunhas mulleres das nosa déronnos un susto, porque foron ó risca-lo día ó sepulcro, e, ó non atoparen o corpo, volveron falando dunha visión de anxos, que lles aseguraron que el vive. E algúns dos nosos alá foron ó sepulcro, atopando todo como as mulleres dixeran; pero a él non o viron.

Entón díxolles:

- Que parvos e lentos sodes para crer todo o que anunciaron os profetas! E logo, non cumpría que o Cristo padecese todo isto, antes de entrar na súa gloria?
E comenzando por Moisés e tódolos profetas, foilles interpretando o que as Escrituras falaban del.
Ó entraren na aldea onde ían, fixo como quen quería seguir para adiante. Pero eles porfiáronlle, dicindo:
- Quédate connosco, porque se fai tarde, e a noite bótase enriba.
Quedou con eles. E mentres estaban na mesa, colleu o pan, bendeciuno e partiuno e déullelo. Entón abríronselle-los ollos e recoñecérono; pero el desapareceu. E dixeron:
- Non ardía o noso corazón, cando nos falaba polo camiño, interpretándono-las Escrituras?
E levantándose axiña, volveron a Xerusalén. Alí atoparon os once reunidos cos seus acompañantes, que dicían:
- É certo, o Señor resucitou e apareceuse a Simón.
Eles tamén contaron o que lles pasara polo camiño, e cómo o recoñeceran no parti-lo pan.

Debuxo de Fano.
Fonte imaxe: Diócese de Málaga.

SAN XOSÉ OBREIRO

1º de maio festividade de San Xosé obreiro.

Oh Xosé presentade a Xesús toda-las miñas intencións.

NO CAMIÑO DE EMAÚS

Tra-la crucifixión e morte de Xesús algúns dos seus amigos desanímanse. Abandoaran todo para seguilo e volven para as súas casas decepcionados. Pero descubrirán que Xesús vai sempre con eles.

Debuxos para colorar o relato segundo o evanxeo de Lucas 24,13-35:

ZAQUEO, BAIXA

Debuxo de Zaqueo na árbore para colorar:

AMOR ÓS INIMIGOS

Evanxeo domingo º7 TO ciclo A, Mt 5, 38-48

Tedes oído que se vos dixo: ollo por ollo e dente por dente. Pero eu dígovos: non volvades mal por mal. Ó contrario, se alguén che da un lapote na túa meixela dereita, preséntalle a outra; a quen queira preitear contigo e che leve a túnica, déixalle ir tamén o mantelo; a quen te obrigue a camiñar con el unha milla, acompáñao dúas. A quen che pide, dálle; e non te vires de costas a quen che pida emprestado.

Tedes oído que sevos dixo: amara-lo teu próximo e aborrecera-lo teu inimigo. Pero eu dígovos: amade os voso inimigos, e pregade polos que vos perseguen. Así seredes fillos de voso Pai que está no ceo, que fai saí-lo sol sobre malos e bos, e chover sobre xustos e inxustos. Porque se amáde-los que vos aman, que recompensa ides ter? Non fan o mesmo os recadadores de impostos? E se saudades soamente a vosos irmáns, que facedes de máis? Non fan outro tanto os pagáns? Daquela sede esmerados como esmerado é o voso Pai celestial.

Fonte das imaxes: Diócese de Málaga. Autor Fano.

SAGRADA FAMILIA PARA COLORAR

Debuxos da Sagrada Familia para colorar:

NOVA INTERPRETACIÓN DA LEI

Evanxeo 6º domingo TO ciclo A (Mt 5, 17-37)

Nova interpretación da Lei

Non pensedes que vin derroga-la Lei e os profetas; non vin para derrogar, senón para dar cumprimento. Porque vos aseguro: mentres non pasen o ceo e maila terra non pasará nin unha letra nin un til da Lei ata que todo se cumpra. E quen falte a un destes mandamentos máis pequenos e así llelo ensine a facer ós outros, será declarado o máis pequeno no Reino dos Ceos; pero quen os cumpra e ensine será declarado grande no Reino dos Ceos. Porque vos aseguro que se a vosa xustiza non é maior cá dos letrados e fariseos, non entraredes no Reino dos Ceos.

Tedes oído que se lles dixo ós vosos devanceiros: Non matarás, e quen mate será reo ante o tribunal. Pero eu dígovos: Todo o que se enrabeche co seu irmán será reo ante o tribunal; quen o alcume será reo ante o sanedrín; e quen o aldraxe será reo do lume do inferno.
Se ó presentáre-la túa ofrenda no altar te acordas entón de que o teu irmán ten queixas contra ti, pousa a ofrenda alí mesmo, diante do altar, vaite primeiro reconciliar co teu irmán, e logo volve presenta-la túa ofrenda.
Ponte de acordo, canto antes, co teu preiteante mentres ides de camiño; non sexa que te entregue ó xuíz, o xuíz o garda, e te boten na cadea. Ten por seguro que non sairás de alí ata que deas pagado o derradeiro céntimo.
Tedes oído que se dixo: Non cometerás adulterio. Pois eu dígovos: Todo aquel que mira a unha muller casada con desexo, xa cometeu adulterio no seu corazón.
Se o teu ollo dereito che é ocasión de pecado, arríncao e tira con el; que máis che vale que se perda un dos teus membros e non que te boten todo enteiro no inferno. Se a túa man dereita che é ocasión de pecado, córtaa e tira con ela lonxe de ti; que máis che vale que se perda un dos teus membros e non que te boten todo enteiro no inferno.
Ténsevos dito: quen repudie á súa muller, déalle acta de repudio. Pero eu dígovos: Todo o que repudia á súa muller, fóra o caso de estaren malvivindo, expona a ser adúltera e o que case cunha repudiada comete adulterio.
Tamén tedes oído que se lles dixo ós devanceiros: Non xurarás en falso, e cumprira-las promesas feitas con xuramentos ó Señor. Pero eu dígovos: Non xuredes nunca; nin polo ceo, que é o trono de Deus; nin pola terra, porque é escano para os seus pés; nin por Xerusalén, que é a cidade do gran Rei. Tampouco xures pola túa cabeza, porque nin sequera lle podes virar branco ou negro un só pelo. Falade, logo, deste xeito: "Si", cando é si; "Non", cando é non; e todo o que pase de aí ven do Malo.

Imaxes de Fano tomadas da Diócese de Málaga.

NOSA SEÑORA DE LOURDES

O día 11 de febreiro de 1858 Bernadette Soubirous ve nunha cova de Lourdes unha aparición da Virxe María que se lle manifesta como a Inmaculada Concepción. Nesta localidade constrúese unha igrexa que se convirte en lugar de peregrinación polos milagres que alí acontecen.

Fonte imaxes: Amiguinhos de Deus